Rrëzohet një dron i Izraelit në Bregun Perëndimor

14:28 | 18 Korrik 2017
Arbresh.info

Një dron i ushtrisë së Izraelit është rrëzuar në Bregun e pushtuar Perëndimor, raporton Anadolu Agency (AA).

Sipas një deklarate të zëdhënësit për media të ushtrisë izraelite droni i tipit Skylark është rrëzuar në qytetin Nablus në veri të Bregut Perëndimor.

Më tej nuk bëhet e ditur arsyeja e rrëzimit të dronit ndërsa po hetohet pozicioni i tij.

Brenda këtij muaji ky ka qenë droni i tretë i Izraelit i cili ka rënë në territoret palestineze.

Izraeli edhe më parë ka njoftuar se njëri nga dronët ka rënë në pjesën jugore të Rripit të Gazës ndërsa tjetri në afërsi të qytetit Betlehem në Bregun Perëndimor.

Dronët Skylark të cilët përdoren me qëllim vrojtimi, spiunazhi dhe mbledhje të informacioneve nga ushtria izraelite janë mjete të cilat prodhohen në këtë vend.

Shpërndaje në rrjete sociale

Lajmet më të lexuara

Të ngjashme

Foto lajm